TA SIKA KET SIAK, SIAK KET SIKA

TA SIKA KET SIAK, SIAK KET SIKA
(kenni Zedrex John)
Naipablaak iti Bannawag idi Pebrero 23, 2003

dinamilika iti dungngo ken ayat
tinubayka iti apros ti pammateg
ta sika ket siak, siak ket sika.

a, ikarigatanka nga isagpat
iti kangatuan a paladpad ti anges
nupay agdaliasatak nawatiwat a dana,
malayusak iti ling-et ti tarigagay
iti nadagaang nga agmatuon,
agtunglabak iti pammati ken panagtalek
iti kaltaang naungor a rabii
di ammo agur-uray a gasat
saanak a padaeg, ay-ayatenka
aramidek amin dagitoy
tapno iti sumangbay nga agsapa
masiraratam sumingising nga init.